Ապագա և նորաթուխ ծնողները Հայաստանում դժվարանում են գտնել հավաստի և տեղայնացված տեղեկատվություն հղիության, մայրական առողջության և երեխայի վաղ զարգացման մասին: Առողջապահական ծառայությունները մասնատված են և հիմնականում չթվայնացված, ինչի պատճառով ընտանիքները ստիպված են կարևոր որոշումներ կայացնել՝ չունենալով ամբողջական տեղեկատվություն:

Մենք ծնողների, մանկաբույժների, գինեկոլոգների և Առողջապահության նախարարության հետ միասին համաստեղծեցինք «ԲարևԲալիկ»-ը՝ վստահելի տեղեկատվությունը միավորելով մեկ բջջային հարթակում, որը լիովին հարմարեցված է հայկական ընտանիքների և առողջապահական համակարգի իրականությանը:

• Միասնական հարթակ, որը տրամադրում է նախածննդյան, հետծննդյան և մանկաբուժական փաստահենք բովանդակություն:
• Առողջության հետևման գործիքներ հղի կանանց և նորածինների համար:
• Ֆինանսական աջակցության գործիք, որն օգնում է ընտանիքներին գտնել իրենց հասանելիք նպաստները:
• Մոտակա ծառայությունների քարտեզագրում՝ ամենամոտ բուժօգնությունը գտնելու համար:
• Պատվաստումների թվայնացված ծառայության փորձարկում՝ Ազգային իմունականխարգելման ծրագրի հետ համահունչ:

Գործող հարթակ և հավելված, որն արդեն օգտագործվում է հայ ընտանիքների կողմից՝ ինտեգրված Պատվաստումների ազգային ծրագրի փորձնական տարբերակին, ինչը հիմք է ստեղծում ավելի թվայնացված և ընտանիքակենտրոն առողջապահական համակարգի համար: