Չնայած հարուստ պատմությանը՝ Հայաստանը համեմատաբար նոր խաղացող է համաշխարհային զբոսաշրջության ոլորտում: Որոշում կայացնողներն ու բիզնեսները չունեին հստակ տվյալներ այն մասին, թե իրականում ինչ են զգում զբոսաշրջիկները, որոնք են մեր ուժեղ և թույլ կողմերը տարբեր մարզերում և վայրերում:

Մենք ստեղծեցինք ԱԲ ալգորիթմ, որն իրական ժամանակում հավաքում և վերլուծում է զբոսաշրջիկների արձագանքները խոշոր հարթակներից՝ վերհանելով դրական և բացասական միտումները մարզերի, քաղաքների և առանձին հուշարձանների մակարդակով: Այն ծառայում է որպես մեկ միասնական տվյալների բազա կառավարության, բիզնեսի և զբոսաշրջիկների համար:

• Tripadvisor-ից, Facebook-ից և Booking.com-ից զբոսաշրջիկների արձագանքների հավաքագրում և բնական լեզվի մշակում (NLP) իրական ժամանակում:
• Ճամփորդների տրամադրությունների վիզուալիզացիա մարզերի և կոնկրետ վայրերի մակարդակով:
• Մեկ միասնական հարթակ երեք լսարանի համար՝ պետություն, ոլորտի մասնագետներ և զբոսաշրջիկներ:

175,000+ հավաքագրված արձագանքներից գեներացվել է ավելի քան 500,000 դրական և բացասական վերլուծություն՝ զբոսաշրջության ոլորտին տալով Հայաստանում այցելուների փորձառության առաջին իրական և համապարփակ պատկերը: